كم مدة تعلم اللغة الإنجليزية من الصفر؟ الجواب بالأرقام

لو سألت هذا السؤال، غالبًا لأنك تبي تعرف وش تتوقع قبل لا تبدأ. وهذا سؤال صح. المشكلة إن أغلب الإجابات اللي بتلقاها إما وعد مستحيل «تكلم إنجليزي في ٣٠ يوم»، أو جواب مطاطي «يعتمد على اجتهادك». الاثنين ما يفيدونك.

ليش السؤال نفسه ناقص

«تعلم الإنجليزية» مو خط نهاية. ما فيه لحظة تقول فيها خلاص تعلمتها. عشان كذا العالم كله يقيس اللغة بمستويات مو بـ«تعلّم / ما تعلّم»، والمقياس المعتمد اسمه الإطار الأوروبي المرجعي (CEFR) ويقسّم اللغة ستة مستويات: A1 وA2 وB1 وB2 وC1 وC2.

لما تحدد وش تبي بالضبط، يصير للسؤال جواب. «أقدر أعرّف عن نفسي وأتعامل بمواقف يومية بسيطة» هذا A2 تقريبًا. «أشتغل بالإنجليزي وأتابع اجتماع» هذا B2. المدة تختلف بينهم بمئات الساعات، فالسؤال الصحيح مو «كم أحتاج أتعلم إنجليزي» بل «كم أحتاج أوصل المستوى الفلاني».

كم ساعة يحتاج كل مستوى

هذي الأرقام منشورة من كامبريدج، وهي أقرب شي لمرجع محايد في الموضوع. انتبه لشيئين قبل لا تقرأ الجدول:

• الساعات تراكمية من الصفر. يعني 500 ساعة لـB2 هي المجموع من نقطة الصفر، مو 500 ساعة فوق B1.
• الجدول يبدأ من A2. ما فيه رقم معتمد من كامبريدج لـA1، والأرقام اللي تنتشر عن A1 مصدرها مدونات مو كامبريدج نفسها، فما تلقاها هنا.

وش تعني هذي الساعات بوقتك أنت

الساعات لحالها ما تعني شي. خلنا نحولها لأيام على حسب اللي تقدر تعطيه يوميًا. الحساب بسيط: 180 ساعة على نصف ساعة يوميًا = 360 يوم.

هنا يبان الجواب على سؤال «أقدر أتعلم إنجليزي في شهر؟». لو تقصد توصل مستوى تشتغل فيه، لا، ولا واحد صادق بيقول لك نعم. لكن لو تقصد تبني أساس تبدأ منه صح، فهذا شي ثاني تمامًا، وهذا اللي نسويه.

وين يقع «التأسيس» من هذا الجدول

التأسيس مو مستوى من الستة. هو اللي قبلهم. ولأن جدول كامبريدج يبدأ من A2، فالتأسيس يقع تحت بداية الجدول كلها، وهذا بالضبط ليش يكون قصير، وبالضبط ليش ما ينفع أحد يقول لك إنك بتتكلم إنجليزي بعده.

اللي يصير بدون تأسيس إنك تبدأ تحفظ كلمات وقواعد وأنت ما تعرف تقرأ الكلمة ولا تنطقها صح، فتتعب وتوقف وتحس إن المشكلة فيك. وهي مو فيك، هي إنك بدأت من نقطة غلط.

دورة التأسيس عندنا مبنية على هذا بالضبط: 3 مراحل و26 درس وأكثر من 460 كلمة، تنجزها في 2–5 أسابيع على حسب وتيرتك، ووصولك للدروس ينتهي بحد أقصى 6 أسابيع من فتح أول درس. أقل مدة ممكنة 2 أسابيع لأن الدروس تنفتح بالتدريج، فما فيه طريقة تخلصها بيوم.

ولو خلّصت دروسك خلال 5 أسابيع، يجيك أسبوع ممارسة مباشر مجانًا: 6 حصص مع معلمك في مجموعة ما تتجاوز 8 طلاب. هذا الرقم مهم لأن الممارسة في مجموعة كبيرة تعني إنك تسمع أكثر ما تتكلم.

ليش ناس يوصلون أسرع من غيرهم

الفرق غالبًا مو بالذكاء ولا بالوقت المتاح. الفرق بترتيب اللي تتعلمه. مو كل كلمة ولا كل قاعدة لها نفس المردود: فيه أشياء لو أتقنتها بدري تفتح لك عشرات الجمل، وفيه أشياء ما تستخدمها إلا نادرًا وتاخذ نفس الجهد.

منهجيتنا مبنية على هذا: نركّز على اللي يسرّع اكتسابك للغة ونأخّر اللي مردوده قليل. ما نقدر نخالف الأرقام اللي فوق، ولا أحد يقدر. اللي نقدر عليه إن الساعات اللي تعطيها فعلاً تنحسب لك، بدل ما تضيع على ترتيب عشوائي.

خطة واقعية تبدأ فيها

1. 1حدد وش تبي بالضبط. «أتكلم بثقة بموقف شغل» هدف، «أتعلم إنجليزي» مو هدف.
2. 2أسّس قبل لا تتوسّع. تعرف تقرأ وتنطق صح أول شي، بعدها الكلمات تثبت معك بدل ما تتبخّر.
3. 3ثبّت وقت يومي صغير تقدر تلتزم فيه. عشرين دقيقة كل يوم تغلب ساعتين مرة بالأسبوع.
4. 4مارس بصوتك مع ناس. القراءة لحالها ما تعلمك تتكلم، ولا فيه بديل عن إنك تفتح فمك وتغلط قدام أحد.
5. 5قِس تقدمك بمستوى مو بإحساس. الإحساس يخدعك بالأسابيع الأولى بالاتجاهين.